«Ялкын» журналы «Бик матур» проектында милли кием һәм аксессуарлар тәкъдим итә
Образларда мари, чуваш, удмурт, башкорт һәм татар халкының милли аксессуарлары кулланылган
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
«Бик матур» проекты нәтиҗәләренә багышланган чара Казан Кремле территориясендә тәкъдим ителә.
Проектның быелгы үзенчәлеге - образларны төрле милләт вәкилләренең аксессуарлары белән тулыландыру. Образларда мари, чуваш, удмурт, башкорт һәм татар халкы аксессуарлары кулланылган.
«Ялкын» журналы «Бик матур» проектын берничә ел дәвамында алып бара.
Фото: © Энҗе Габдуллина
«Элек без яшүсмерләргә киенү стилен өйрәтә торган идек. Быел стилист Галия Сафина белән эшләдек. Ул бүгенге көн яшүсмерләре, яшьләрендә популяр булган образларга милли аксессуарларны яраклаштырды», - дип сөйләде Илназ Фазуллин.
Программада милли аксессуарларны заманча образларга яраклашып оештырылган дефиле, Казан брендларының көзге коллекциясе белән танышу, популяр җырчыларның - Илгиз Шәйхразиев, Лилия Хәйруллина, «Караш» төркеме чыгышлары көтелә.