Ял көннәрендә Татарстанда җылы булачак
Скопировать ссылку
Бу атна ахырында һәм киләсе атна башында Татарстанда җылы һава торышы көтелә, кайбер көннәрдә яңгырлар фаразлана. Бу хакта ТР Гидрометеоүзәге хәбәр итә.
Бүген республиканың күпчелек районнарында яңгыр көтелә, томан булырга мөмкин. Җилнең тизлеге секундына 15 метрга җитәчәк. Температура +4..+9 градус тәшкил итәчәк.
4, 5 һәм 6 ноябрь көннәрендә һава торышы үзгәрмәячәк диярлек. Антициклон тәэсире аркасында явым-төшем ихтималы түбән булачак. Шимбә һәм якшәмбе төнлә -5..0 градус, ә көндез 2-8 гадус җылы көтелә.
Сишәмбе, 7 ноябрьдә, Татарстанга яңгырлар кайта, ә термометр баганалары тагын бераз күтәреләчәк: төнлә 1 дән 6 градуска кадәр һәм көндез 5 дән 10 градуска кадәр җылы фаразлана.