news_header_top_970_100
news_header_bot_970_100

Ял көннәрендә Татарстанда +24 градуска кадәр җылытачак

23 сентябрьдә Татарстанда синоптиклар урыны белән томан фаразлый. Төнлә һәм иртә белән һава торышының начарлануы көтелә.

ТР Гидрометеорология үзәге фаразы буенча, иртәгә Казанда аязучан болытлы булачак. Төнлә урыны белән яңгыр көтелә, һава температурасы +11 дән +13 градуска кадәр тәшкил итәчәк. Көндез 19-21 градуска кадәр җылытачак.

Шимбә көнне, 24 сентябрьдә, Татарстанда аязучан болытлы һава көтелә, урыны белән яңгыр явачак. Төнге температура 9-14 градус җылы булачак. Көндез һава 19-24 градуска кадәр җылыначак, җилнең тизлеге секундына 15 метрга кадәр көчәячәк.

Якшәмбе, 25 сентябрьдә, республика халкын аязучан болытлы һава торышы көтә. Төнлә термометр баганалары +7 градуска кадәр төшәчәк. Көндез яңгыр һәм 13-18 градуска кадәр җылы булачак.

news_right_column_1_240_400
news_right_column_2_240_400
news_bot_970_100