Якын арада ТФБ һәм Интехбанк клиентларына ярдәм фондының сайты эшли башлаячак
Татарстандагы банк кризисы корбаннары өчен Интернет-порталны булдыру эше тәмамланып килә.
Скопировать ссылку
(Казан, 21 апрель, "Татар-информ", Динара Сираҗиева). Татфондбанк һәм Интехбанк клиентларына ярдәм фонды сайты киләсе атна башында эшли башлаячак. Бу хакта "Татар-информ" хәбәрчесенә фондка нигез салучыларның берсе булган Булат Бакеев сөйләде.
"Аны (сайтны – Т.и.) ясау тәмамланып килә, дүшәмбе-сишәмбе ул эшли башлар дип өметләнәм,– диде Бакеев.
Исегезгә төшерәбез, ТФБ һәм Интехбанк кертемчеләренә ярдәм фондының март азагында сайт ачарга ниятләве билгеле булды. Интернет-портал әлеге банкларның элеккеге клиентлары өчен төп аралашу мәйданчыгы булачак.