Нурлат районы Якты Күл авылы хатын-кызлары хәрбиләр өчен мендәрләр ясый һәм җәймәләр тегә

Скопировать ссылку

Нурлат районының Якты Күл авылы хатын-кызлары махсус хәрби операциядәгеләр өчен мендәрләр ясый, җәймәләр тегә. Бу хакта «Нурлат-информ» хәбәр итә.

Күпфункцияле үзәкнең «Оста куллар» түгәрәгенә йөрүче 15ләп хатын-кыз көз башыннан хәрбиләр өчен төрле ярдәм күрсәтә.

Поролонны ваклап мендәр ясыйлар. Беренче партия итеп госпитальләргә җибәрергә 30 мендәр әзерләп тә куйганнар. Караватларга җәймәләр дә тегәләр.

«Яралыларга ятырга уңайлы, тирләтмәсен һәм тыгыз булсын өчен шундый материалдан эшләнә», – дип сөйләде мендәр ясауда катнашучы.

Чимал белән «Хәрби туганлык» волонтерлары, авыл кешеләре, җирлектәге мәчетләр дә булыша.

#Нурлат