Якшәмбе Татарстанда шимбәгә караганда бераз җылырак була
Скопировать ссылку
Якшәмбе, 13 октябрьдә, Татарстанда явым-төшем көтелми.
Татарстан Гидрометеорология үзәге фаразлавынча, көндез һава +4...+9 градуска кадәр җылыначак. Бу шимбәгә караганда 2 градуска җылырак.
Республикада җил көньяк-көнчыгыштан исә, секундына 5-10 метр тизлектә фаразлана. Чагыштыру өчен: шимбә көнне җил көнчыгыштан секундына 6-11 метр тизлек белән искән.
Шунысын да билгеләп үтәргә кирәк, Казанда термометр баганалары республикадагы кебек үк күтәрелмәячәк. Фаразлаулар буенча, Татарстан башкаласында көндез һава температурасы +5...+7 градус була. Чагыштыру өчен: шимбә көнне шәһәрдә һава температурасы +4.. +6 градус иде.