Яхина: «Зөләйха күзләрен ача» сериалы тулы метражлы фильмга охшаган
Язучы «Россия» каналы телесериалының режиссер версиясен караган.
(Казан, 12 сентябрь, «Татар-информ», Марат Ишкилдин). Язучы Гүзәл Яхина «Россия» каналының «Зөләйха күзләрен ача» телесериалының режиссерлык версиясен карады һәм сериал тулы метражлы фильмга охшаган дип саный.
«Беренче тәэсирләрем гаҗәпләнү булды, чөнки мин экранда күргәннәремне көтмәгән идем. Мин, бигрәк тә беренче сериядә, роман экранизациясенең сериалга караганда тулы метражлы фильмга охшаганлыгын күрдем. Шул вакыттан бирле мин аны телефильм дип атыйм», - диде язучы Гүзәл Яхина.
Бу сериалда тулы метражлы картинага хас инструментлар булуы, шул исәптән актерлык эше белән бәйле. Анда барлык мәгънә дә сүзгә салынмаган, ә мимика һәм бераз диалог аша тапшырыла. Алга таба озын күренешләр һәм оештыручыларның сюжет артыннан узышлары юк.
«Сериалда тыныч һәм эчке-киеренкеле, шул ук вакытта читләштерелгән тышкы хикәя бар. Бер күренеш икенчесенә җайлы гына күчә», — диде язучы.
- Сериалны төшерүнең бер өлеше Татарстанда, аерым алганда, Казанда узды.
- Мини-сериалның серияләре һәрберсе 52шәр минут бара һәм 8 ул сериядән торачак. Чыгу вакыты әлегә билгеле түгел.