Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«Яңарыш» газетасы мөхәррире татар матбугатына ярдәм өчен Татарстанга рәхмәт әйтте
Удмуртиянең татар газетасы коллективы Татарстан Президенты белән матбугат очрашуында катнашты.
(Казан, 24 декабрь, «Татар-информ», Лилия Гаделшина). Удмуртиянең «Яңарыш» татар газетасы баш мөхәррире Рәмзия Габбасова Россия төбәкләрендәге татар матбугатына ярдәм өчен Татарстан җитәкчелегенә рәхмәт белдерде. Бу хакта ул бүген Казанда Татарстан Президентының ел нәтиҗәләренә багышланган матбугат очрашуында әйтте.
Рәмзия Габбасова интернет аша тоташты. Ул Рөстәм Миңнехановка мөрәҗәгать итеп: «Татарстан төрле төбәкләрдә яшәүче татарларга, татар матбугатына ярдәм итә. Татар телендә „Без — бергә“ газетасын төбәкләргә тарата. Бу эшләрегез өчен рәхмәт», — диде.
Баш мөхәррир быел «Яңарыш» газетасы 30 еллыгын билгеләп үтәчәген хәбәр итте. «Тиздән Россиядә зур вакыйга — халык санын алу узачак, аны яктыртуга әзерләнәбез, бу юнәлештә милләттәшләребезне берләштерү өчен дә күп эшлибез», — диде Рәмзия Габбасова.
Россиядә 2021 елда үткәреләчәк халык санын алу чарасына санаулы көннәр калып бара. Татарстан Президенты журналистларның соравына җавап биреп: «Халык санын алу вакыйгасы — безнең өчен мөһим чараларның берсе», — дип искәртте.
«Безнең өчен кайсы төбәкләрдә күпме татар яшәвен белү мөһим. Бу мәгълүмат безгә аларның ихтыяҗларын белергә ярдәм итәчәк. Кеше үзенең милләте белән кызыксынырга, үзенең кем икәнен, тарихын, туган телен белергә тиеш», — диде Рөстәм Миңнеханов.
Шулай ук ул халык санын алу чарасы башка милләтләр, мәсәлән, Татарстанда гомер итүче чуваш, мари, мордва, удмуртларның (һ.б.) санын һәм көнкүрешен ачыклар өчен, милли сәясәтне дөрес алып бару өчен кирәк, дип ассызыклады.
Кызыклы яңалыкларны күзәтеп бару өчен Телеграм-каналга язылыгыз