Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Яңартылган чиркәү урынына яңасы ачылышы сентябрьгә күчерелгән
Анда Казан һәм Татарстан митрополиты Анастасийның да катнашуы көтелә
(Казан, 28 август, “Татар-информ”). 25 нче август көнне Татарстанның Яңа Чишмә районында урнашкан Ленино авылындагы Дмитрий Солунский хөрмәтенә ачылган чиркәүгә гөмбәзләр урнаштыру һәм аларны изгеләндерү чарасы булды. Изгеләндерү йоласын Чистай епархиясенең протоиерее Сергей Кузнецов һәм чиркәүнең иерее Алексей Колясев башкарды. Чиркәүнең ачылышы 29 ына планлаштырылды. Ачылу тантансында Казан һәм Татарстан митрополиты Анастасий да катнашырга тиеш иде. Әмма, Мәскәү һәм Россия патриархы Кирилл ил башкаласы Кремлендәге Успение соборонда дини бәйрәм үткәү уңаеннан митрополит Анастасийны гыйбадәт кылырга чакыру сәбәпле, чиркәү ачылышы сентябрь аена күчерелде, дип хәбәр итә оештыручылар.
Искәртеп үтәбез: Дмитрий Солунский хөрмәтенә салынган гыйбадәт йорты узган елның 17 нче ноябрендә янгыннан зыян күргән иде. Чиркәүнең бинасын саклап калсалар да, аның эчендәге күп нәрсә янды. Белгечләр тикшергәннән соң, гыйбадәтханә авария хәлендә дип табылды.
ТР Президенты Рөстәм Миңнеханов йөкләмәсе буенча, авылда яңа чиркәү төзелде. Чиркәү төзү 8 миллион сумга төшкәнлеге билгеле. Аның 3 миллион сумы ТР Президенты йөкләмәсе буенча бүлеп бирелгән, ТР Урман хуҗалыгы министрлыгы тарафыннан күтәрелгән бура исә 3,4 миллион сумга төшкән. Шулай ук, Яңа Чишмә халкыннан 1 миллион сум хәер акчасы, шул исәптән районның социаль үсеш фондыннан 300 мең сум, җыелган.
(Фотосурәт kazan-mitropolia.ru сайтыннан алынды).
Кызыклы яңалыкларны күзәтеп бару өчен Телеграм-каналга язылыгыз