Яңа елның беренче көнендә Түбән Кама кешеләре йөгерергә чыгачак
Кешеләр үз-үзләренә Яңа ел алдыннан вәгъдә бирә һәм шул вәгъдәләренә таба елның беренче көненнән үк чаба башлыйлар.
Скопировать ссылку
(Казан, 29 декабрь, «Татар-информ»). Яңа 2020 елның беренче көнендә, 1 гыйнварда, Түбән Кама спортчылары йөгерешкә чыгачак. «Гаилә» паркында «Вәгъдәләр йөгереше» дип аталучы узышны активист Жениш Укубаев оештыра. Бу турыда Түбән Кама муниципаль районы рәсми сайтында хәбәр ителә.
Спортчы сүзләренчә, мондый проект дөнья буенча таралыш алган. Кешеләр үз-үзләренә Яңа ел алдыннан вәгъдә бирә һәм шул вәгъдәләренә таба елның беренче көненнән үк чаба башлыйлар.
Стартта һәркем катнаша ала. Чара 11.00 сәгатьтә башлана.