news_header_top
16+
news_header_bot
news_top

Яңа елны 75 меңнән артык кеше ерак араларга йөрүче поездларда каршы алды

2019 елның 31 декабрендә тимер юл буенча сәфәргә 207 меңнән артык пассажир киткән, бу узган ел белән чагыштырганда 10 процентка күбрәк.

(Казан, 2 гыйнвар, «Татар-информ»). Яңа 2020 елны 75,5 меңнән артык пассажир ерак араларга йөрүче поездларда каршы алды. Бу хакта «Федераль пассажир компаниясе» АҖ сайтында хәбәр ителә.

Билгеле булганча, 2019 елның 31 декабрендә тимер юл сәфәрләренә 207 меңнән артык пассажир киткән, бу узган ел белән чагыштырганда 10 процентка күбрәк. Ерак араларга йөрүче поездларда Яңа елны 75,5 меңнән артык кеше каршы алды. Алар барысы да поезд җитәкчеләреннән котлау сүзләре ишетте. 10 яшьтән кечерәк балаларга татлы ризыклар тапшырылды.

Яңа ел каникулларында Россия тимер юлларында ерак араларга баручы 1,5 меңгә якын поезд йөри, дип билгеләп үтелә хәбәрдә.


news_right_1
news_right_2
news_bot