Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Яңа елга Казанның 11 паркын һәм скверын бизәячәкләр
12 метрлы иң биек чыршыны «Черек күл» паркында урнаштырачаклар.
(Казан, 11 декабрь, «Татар-информ»). Яңа елга Казанның 11 паркын һәм скверын бизәячәкләр. Бу хакта Парклар һәм скверлар дирекциясе хәбәр итә.
12 метрлы иң биек чыршыны һәм казанлылар яратып өлгергән арт-объект — 6 метр биеклегендәге люстраны «Черек күл» паркында урнаштырачаклар. Шулай да биредә 6 мең квадрат метр мәйданны биләгән шугалак төп пунктларның берсе булачак. Ул 14 декабрьдә ачылыр дип көтелә.
Горький паркында 10 метр биеклегендәге чыршы, шулай ук «Раштуа фонарьлары» һәм «Йолдызлы күк» дигән арт-объектлар пәйда булачак. Шәһәрнең үзәк чыршысын «Казан» Гаилә үзәге янында урнаштырачаклар, биредә боз шәһәрчеге дә үсеп чыгачак. «Крылья Советов» һәм «Наратлык» паркларында да чыршы утлары кабыначак.
«Континент» паркында чыршы һәм «Кошлар» арт-объекты урнаштырсалар, Фучик урамындагы бульварда үсеп утырган агачларны гына бизиячәкләр, Дәрвишләр бистәсендәге скверда исә чыршыдан тыш, гирляндалар да эләчәкләр. «Калейдоскоп» паркында да гирляндалар сузылачак, ә Аксенов исемендәге скверны белт-лайт бизәр дип көтелә.
Горки-Әмәт урманында урман җәнлекләре сурәтләнгән консольләр, чыршы һәм тузганак рәвешендәге арт-объектлар, шулай ук балкып торган 2019 саннары пәйда булачак. Киләсе атнада биредә балалар өчен тау шуу урыны ачылачак.
Кызыклы яңалыкларны күзәтеп бару өчен Телеграм-каналга язылыгыз