Мәдәният 25 декабрь 2009 10:58

Яңа елга бүләкләрне үз кулы белән ясарга өйрәтәчәкләр

26 һәм 27 декабрьдә Татарстанның Милли музеенда Казанның халык һөнәрчелеге осталары Яңа елга багышланган “Яңа елга – бүләкләр” исемле күргәзмә оештыра

Скопировать ссылку

(Казан, 25 декабрь, “Татар-информ”). 26 һәм 27 декабрьдә Татарстанның Милли музеенда Казанның халык һөнәрчелеге осталары Яңа елга багышланган “Яңа елга – бүләкләр” исемле күргәзмә оештыра.
Декабрь ае - Яңа елга әзерлек чоры. Туганнарны, якын дусларны чын күңелдән бәйрәм белән котлыйсы, үзенчәлекле бүләкләр тапшырасы килә. Әмма кибетләргә йөрергә вакыт калмый, андагы бәяләр “тешли”, бөтен җирдә кризис. Ә бит бәйрәмдә якын кешеләрне бүләкләр белән сөендерәсе килә. Кызыклы һәм үзенчәлекле бүләкләрне каян алырга дигән сорау туа. Милли музейда оештырылачак күргәзмә әлеге мәсьәләне хәл итәргә ярдәм итә. Анда кулдан эшләнгән котлау открыткалары, балчыктан ясалган бизәнү әйберләре, бисер белән бизәлгән сумкалар, балчыктан ясалган сыннар, бәләкәй вазалар, сувенирлар, курчаклар һәм башка – оста кулы белән ясалган әйберләр тәкъдим ителә.
Күргәзмәгә килүчеләр өчен төрле темаларга багышланган күрсәтмә дәресләр бирү дә планлаштырыла. Танылган осталар кыска вакыт эчендә үз кулы белән бүләкләрне ясарга өйрәтәчәк. Бүләкләрне осталар коллекциясеннән дә сайлап сатып алып була, дип хәбәр итә ТР Милли музееның матбугат хезмәте.

Сәхифәләр

Яңа елга бүләкләрне үз кулы белән ясарга өйрәтәчәкләр