Мәдәният 17 декабрь 2016 06:00

Яңа елда балалар сөенсен өчен миллионнар жәл түгел, диләр Чаллы хакимиятендә

19 декабрьдән шәһәрдә хакимият чыршысы бәйрәмнәре башлана.

Скопировать ссылку

(Чаллы, 17 декабрь, “Татар-информ”, “Шәһри Чаллы”). Татарстанның Чаллы шәһәре хакимияте бюджет өлкәсендә эшләүчеләрнең балаларына Яңа ел бүләкләренә 6,547 миллион сум акча тоткан, дип хәбәр итә “Шәһри Чаллы” газетасы.

Кыш бабай күчтәнәчен барысы 21 538 бала алачак. Алай гына да түгел, 19 декабрьдән шәһәрдә хакимият чыршысы бәйрәмнәре башланып китә. Ул 28енә кадәр дәвам итә һәм көненә 2 тапкыр күңелле әкияти тамаша белән бара. Беренче чиратта хакимият чыршысына инвалид балалар, мохтаҗ гаиләләрдә үсүче сабыйлар, аннан уку алдынгылары, җәмәгать эшләрендә актив катнашучылар чакырыла. Татлы бүләкләрнең күбесе шушы чарада тапшырылачак.

Бәйрәм көннәрендә һәм каникулларда исә Чаллы театрлары, мәдәният сарайлары коллективлары балалар өчен кызыклы тамашалар, күңел ачу чаралары әзерләгән. Мәсәлән, Чаллы татар дәүләт драма театры “Урман клаб” дигән әкият күрсәтергә җыена, диелә газета хәбәрендә.

#Шәһри Чаллы #Чаллы

Сәхифәләр

Яңа елда балалар сөенсен өчен миллионнар жәл түгел, диләр Чаллы хакимиятендә