Икътисад 11 декабрь 2017 12:18

Яңа ел төнендә Казан кунакханәләре 88 процентка тулы булачак

Казан, элеккечә, Яңа ел бәйрәмендә балалар белән ял итү өчен Россиянең иң популяр шәһәрләре өчлегендә кала.

Скопировать ссылку

(Казан, 11 декабрь, «Татар-информ», Диана Авакян). Яңа ел төнендә Казан кунакханәләре 88 процентка тулы булачак. 2-7 гыйнвар көннәрендә әлеге күрсәткеч 77 процент тәшкил итәчәк. Бу хакта «эшлекле дүшәмбе» киңәшмәсендә Казан Башкарма комитетының Туризмны үстерү комитеты директоры Дарья Санникова хәбәр итте.

«Кунакханәләрдә урыннарны алдан белешеп кую дәвам итә. Шул рәвешле, кунаклар тагын да күбрәк булыр, дип көтелә, - диде Санникова. - Шәһәрнең күпчелек зур туристлык операторлары Яңа ел программалары әзерләде, шулай ук сувенир продукциясенең ассортименты киңәйде, Яңа ел тематикасына караган әйберләр өстәлде».

Казан янә Яңа ел бәйрәмендә балалар белән ял итү өчен Россиянең иң популяр шәһәрләре өчлегенә керде, дип искәртте Санникова. «Рейтинг 2017 елның 28 декабреннән 2018 елның 9 гыйнварына кадәрге чорда туристларның торак белешеп кую турындагы мәгълүматлары нигезендә төзелде», - дип өстәде ул.

#казан кунакханәләре #яңа ел төне #казан шәһәре

Сәхифәләр

Яңа ел төнендә Казан кунакханәләре 88 процентка тулы булачак