Яңа ел каникулларында Татарстан 150 мең кунак кабул итте
Туристлар арасында иң популяр урыннар Казан Кремле һәм Зөя утрау-шәһәрчеге булды.
Скопировать ссылку
(Казан, 10 гыйнвар, «Татар-информ»). Яңа ел каникулларында Татарстанга 150 мең кунак килгән. Бу хакта Татарстанның Туризм буенча дәүләт комитеты матбугат хезмәте хәбәр итә.
«Татарстанның кунаклар иң күп булган истәлекле урыннары Казан Кремле һәм Зөя утрау-шәһәрчеге булды. Моннан тыш, Бөек Болгар, Алабуга, Чистай шәһәрләрендә туристлык агымы арта бара», — дип билгеләп үтелә ведомство хәбәрләрендә.
Арча районының Яңа Кырлай авылында Кыш Бабай һәм Кар Кызы резиденциясенә 7 мең кунак килгән. Узган елның шул ук чорында резиденция 6,5 мең кешене кабул иткән булган.