Җәмгыять 11 декабрь 2009 12:15

Яңа ел бәйрәмнәрендә 10 көн ял итәбез

Бу хакта ТР Хезмәт, мәшгульлек һәм социаль яклау министрлыгы шәрехли

Скопировать ссылку

(Казан, 11 декабрь, «Татар-информ»). РФ Хезмәт кодексының 112 нче маддәсенә ярашлы рәвештә, 2010 елның 1, 2, 3, 4 һәм 5 гыйнвар көннәре - Яңа ел каникуллары, 7 гыйнвар - Раштуа көне, һәм болар барысы да бәйрәм көннәре санала.

2 һәм 3 гыйнвар шимбә һәм якшәмбегә туры килгәнгә күрә, алар 6 һәм 8 гыйнварга күчерелә. Шул рәвешле, 5 көнлек эш атнасында 2010 елның 1-10 гыйнвар көннәре ял көннәре санала. Эш буенча таләп ителгәндә, эш бирүчеләр ял һәм эш көне булмаган бәйрәм көннәрендә, РФ Хезмәт кодексының 113 һәм 153 нче маддәләрендә каралган тәртиптә һәм шартларда, эш оештыра алалар, диелә ТР Хезмәт, мәшгульлек һәм социаль яклау министрлыгының «Татар-информ» агентлыгына җибәргән игъланында.

Сәхифәләр

Яңа ел бәйрәмнәрендә 10 көн ял итәбез