Җәмгыять 16 декабрь 2016 08:41

Яңа ел алдыннан Татарстан урманчылары чыршыларны саклый

Әгәр урман хуҗалыгына 5 мең сум һәм аннан да күбрәк суммага зыян китерүчеләргә карата җинаять эше ачарга мөмкиннәр.

Скопировать ссылку

(Казан, 16 декабрь, “Татар-информ”) 20-31 декабрьдә Татарстанда чыршы һәм наратлар үскән урманнарны аеруча сак астында торачак, дип хәбәр итә республиканың Урман хуҗалыгы министрлыгы матбугат хезмәте.

Закон бозып, урманнарда чыршыларга кул сузган кешеләргә карата административ хокук бозу турында беркетмәләр тутырылачак. Әгәр дә урман хуҗалыгына 5 мең сум һәм аннан да күбрәк суммага зыян китерелсә, җинаять эше ачарга мөмкиннәр.

Урманчылар Яңа ел алдыннан урманнарда чыршы һәм наратларны рөхсәтсез кисү күренешләрен кисәтү өчен 1 декабрьдән халык арасында аңлату эшләре алып бара.

#урман #чыршы #Яңа ел

Сәхифәләр

Яңа ел алдыннан Татарстан урманчылары чыршыларны саклый