Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Яңа Чишмә районында Шушма елгасы аша 103 еллык күпер ремонттан соң ачыла
Күпер соңгы вакытта нык таушалган иде, машиналарны сыйдыра алмау сәбәпле, бер яклы хәрәкәт оештырылып, светофор көйләве белән генә хезмәт күрсәтте.
(Казан, 14 декабрь, “Татар-информ”) 15 декабрьдә Татарстанның Яңа Чишмә районы аша узучы Казан-Оренбург трассасының 172 нче чакрымында Шушма елгасы аркылы күпер ремонттан соң ачылачак. Бу - федераль юллар челтәрендәге инде 103 ел дәвамында хезмәт күрсәткән бердәнбер зур күпер. Аны ремонтлауга Федераль юл агентлыгының “Идел-Нократ автомобиль юллары идарәсе” федераль учреждениесе җаваплы булды, дип хәбәр итә әлеге оешманың матбугат хезмәте.
Яңа Чишмә районындагы күпер Казан-Оренбург Р-239 автомобиль юлының бер өлеше булып тора, тәүлегенә моннан 12 мең машина үтеп йөри. Күпер 1913 елда Саратовның “Инженеръ-технологъ И.Г.Грингофъ и Б-тъ” фирмасы проекты буенча төзелгән. Ул соңгы вакытта нык таушалган, машиналарны сыйдыра алмау сәбәпле, бер яклы хәрәкәт оештырылып, светофор көйләве белән генә хезмәт күрсәтте. Ремонттан соң күпер 10 метрга кадәр киңәйтелде.
Кызыклы яңалыкларны күзәтеп бару өчен Телеграм-каналга язылыгыз