Яңа Чишмә районында сөт сату күләме арткан
Көн саен сөт сатудан 1 млн 440 сумнан артык акча керә.
Скопировать ссылку
(Яңа Чишмә, 19 гыйнвар, "Татар-информ", "Яңа Чишмә хәбәрләре"). Районның авыл хуҗалыгы оешмалары көн саен 60 тоннадан артык сөт сата, югары майлылыкны исәпкә алып (3,8 %), ул 67,2 тонна тәшкил итә. Бу турыда җирле басма хәбәр итә.
2018 ел белән чагыштырганда продукция 8 тоннадан (116 %) күбрәк сатылган. “Агро-Основа” ҖЧҖ нең Акъяр, Шахмай һәм Чаллы Башы бүлекчәләрендә, “Кулон” а/ф-да, “Козлова М.И.” һәм “Савельев А.А.” КФХ ларда үткән елга карата яхшы үсеш күзәтелә.
Сатыласы сөт бәясе дә үткән елдагыдан югары һәм уртача 24 сум 12 тиен тәшкил итә (2018 елда – 1 кг өчен 21 сум 32 тиен иде). Көн саен сөт сатудан 1 млн 440 сумнан артык акча керә.