Җәмгыять 16 июль 2018 04:00

Яңа Чишмә районында гаиләләргә психологик ярдәм күрсәтелгән

Очрашу азагында фонд психологлары “Минем гаиләм“ дип аталган бердәм уен-тренингы үткәрделәр.

Скопировать ссылку

(Яңа Чишмә, 16 июль, "Татар-информ", "Яңа Чишмә хәбәрләре", Азат Мусин). Яңа Чишмә районындагы опекун гаиләләр ТР Дәүләт Советы депутаты Мөхәммәтвәли Хөснетдиновка гаиләләренә психологик – педагогик ярдәм кирәклеге турындагы үтенеч белән мөрәҗәгать иткәннәр, дип яза җирле басма.

Депутат үз сүзендә торган һәм Гаилә, мәхәббәт һәм тугрылык көненә багышланган чараларда катнашу кысаларында фондның тәҗрибәле белгечләре катнашында “Көч балаларда“ хәйрия фонды акциясе оештырылган.

Акциянең максаты – балалар – ата-аналар мөнәсәбәтен оптимальләштерү, коммуникатив күнекмәләрне үстерү һәм психоэмоциональ йөкләнешне төшерү.

Үткән акция барышында белгечләр ата-аналарга һәм балаларга ышанычлы мөнәсәбәтләр һәм гаиләдә гомуми психологик иминлек булдыруда бер-берен аңларга ярдәм иттеләр.

Гаиләгә тәрбиягә һәм опекага бала алган гаиләләр белән комплекслы психо-коррекцион һәм педагогик эш җылы һәм иркен шартларда үткәрелде. Очрашу азагында фонд психологлары “Минем гаиләм“ дип аталган бердәм уен-тренингы үткәрделәр.

Әти-әниләр консультацияләр һәм тренинглардан соң гаиләдә үзара эш итү, аралашуда яңа тәҗрибә алуларын, бер-берсенең уңай якларын ачуларын билгеләп үттеләр. “Без башка кәеф белән китәбез һәм мондый очрашуларның дәвамы булыр дип өметләнәбез“, - диде алар.

Чара барышында район башлыгы урынбасары Надежда Попкова “Көч балаларда“ фондын оештыручы Адел Заһретдиновка районда хәйрия акцияләрен, шул исәптә үзәк нерв системасы авыруларын ачыклау максатларында балаларга медицина тикшерүе үткәрү буенча эшләрне оештырганы өчен район Советының Рәхмәт хатын тапшырды, диелгән район хәбәрендә.

#Яңа Чишмә хәбәрләре

Сәхифәләр

Яңа Чишмә районында гаиләләргә психологик ярдәм күрсәтелгән