Мәдәният 12 ноябрь 2017 04:00

Яңа Чишмә районы Тубылгы Тау авылында яңа күпфункцияле үзәк ачылды

Яңа үзәк төзелеше 12,5 млн сумга төшкән.

Скопировать ссылку

(Яңа Чишмә, 12 ноябрь, "Татар-информ", "Яңа Чишмә хәбәрләре"). Яңа Чишмә районы Тубылгы Тау авылында яңа күпфункцияле үзәк ачылды, дип яза җирле басма.

Яңа үзәк төзелеше 12,5 млн сумга төшкән, аның 11 млн 636 мең сумын Татарстан бюджеты бүлеп биргән, 1 млн 166 мең сумны район керткән.

Күпфункцияле үзәктә клуб һәм китапханә урнашкан, мәдәни чаралар үткәрү өчен шартлар булдырылган. Тамашачылар залы физик мөмкинлекләре чикле кешеләр өчен дә урыннар белән тәэмин ителгән. Биредә балалар, яшүсмерләр һәм өлкәннәр өчен дә түгәрәкләр эшләячәк.

Яңа объектны ачу тантанасында Татарстан мәдәният министры урынбасары Гүзәл Шәрипова, Яңа Чишмә районы Башкарма комитеты җитәкчесе Ринат Фәсахов, «Нижнекамскгаз» директоры Айрат Токарев катнашты.

Объект төзелешенә зур өлеш керткән подрядчы оешма төзүчеләренә Рәхмәт хатлары тапшырылды. Гүзәл Шәрипова Мәдәният министрлыгыннан күпфункцияле үзәккә музыка җиһазы алу өчен сертификат бүләк итте.

#Яңа Чишмә хәбәрләре

Сәхифәләр

Яңа Чишмә районы Тубылгы Тау авылында яңа күпфункцияле үзәк ачылды