Яңа Чишмә районы Әдәмсә авылы мәчетенә ярымай куелды

(Казан, 1 июль, "Татар-информ"). 29 май Яңа Чишмә районы Әдәмсә авылында яңа мәчет манарасына ай кую тантанасы булып узды. Бу хакта ТР Диния нәзарәте матбугат хезмәте хәбәр итә.

"Барлык мәшә­катьләрен калдырып, мәчет төзелешенә булышырга килү­челәргә Аллаһы Тәгаләнең рәхмәтләре яусын", - диде Әдәмсә авылы имамы Исмәгыйль хәзрәт.

Яңа Чишмә районы имам-мөхтәсибе Илгиз хәзрәт Әшрәпов мөхтәсибәт исеменнән Рәхмәт хатлары тапшырды. "Күңел кушуы буенча авыр, җаваплы эшкә алынып, мәчет төзүчеләргә Аллаһы ярдә­мен һәм әҗер-савабын бирсен", - диде ул.

"Ерактан балкып торган мәчет манарасы бик күп еллар мөселманнарны Аллаһы йортына чакырып, үзенә җәлеп итеп торсын", - диелгән Диния нәзарәте хәбәрендә.