Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Йөзү буенча Дөнья кубогының Россия этабы Казанда узачак – федерация
Татарстан башкаласында даими рәвештә суга сикерү буенча Дөнья кубогы этабы да уза.
(Казан, 29 сентябрь, “Татар-информ”). 2018 елгы сезонда йөзү буенча Дөнья кубогының Россиядәге этабын Мәскәү түгел, ә Казан шәһәре кабул итеп алачак. Бу хакта Бөтенроссия йөзү федерациясе президенты Владимир Сальников җиткергән, дип яза “Р-Спорт”. Кайбер детальләрне килештерәсе, килешүне имзалыйсы гына калды, дигән федерация җитәкчесе.
Соңгы вакытта йөзү буенча Дөнья кубогының Россиядәге этабы Мәскәүдә уза иде.
“Казан Дөнья кубогы этабын кабул итеп алу теләген белдерде. Килешү әзерләнде, детальләрне генә килештерәсе калды. Алар ярышларны уздыру шарты белән риза”, – дигән Владимир Сальников.
Аның сүзләренчә, монда инде Халыкара йөзү федерациясе (FINA) тарафыннан өстәмә карарлар таләп ителми.
“Ике шәһәр арасында сайлау, безнең эчке сорау иде. Без Казан яисә Мәскәүне сайларга тиеш идек. Казан бар кирәк әйберне дә раслады һәм шулай кабул ителде”, – дигән ул.
Исегезгә төшерәбез, Казан 2015 елда Су спорты төрләре буенча дөнья чемпионатын кабул итеп алды. Моннан тыш Татарстан башкаласында даими рәвештә суга сикерү буенча Дөнья кубогы этабы да уза.
Кызыклы яңалыкларны күзәтеп бару өчен Телеграм-каналга язылыгыз