Йөртүче хатын-кыз башка машина белән бәрелешмәс өчен кукуруз кырына төшеп киткән
Һәлакәт бүген Чаллы-Зәй юлында булган.
Скопировать ссылку
(Казан, 25 июль, «Татар-информ», Полина Шевчук). Татарстанда автомобиль белән идарә итүче хатын-кыз башка машина белән бәрелешмәс өчен кукуруз кырына төшеп киткән. Бу хакта һәлакәт урыннан агентлыкның үз хәбәрчесе сөйләде.
Аның сүзләренчә, һәлакәт бүген 14.00 сәгать тирәсендә Чаллы-Зәй юлында булган.
Беренчел мәгълүматлар буенча, “РЕНО” җиңел машинасы белән идарә итүче хатын-кыз кинәт тормозга баскан машинага бәрелмәс өчен юл кырыена төшеп киткән.
Алдан хатын-кыз машина эчендә кысылып калган дигән сүз булган иде. Әмма урында ачыкланганча, хатын-кыз белән барысы да тәртиптә. Ә машина җитди зыян күргән.
