Хәвеф-хәтәр 14 гыйнвар 2020 19:43

Йәмәндә мәчеттә биш кешене атып үтергәннәр, унбер кеше яраланган

Өйлә намазына җыелган халыкка психик авыру ир-ат аткан.

Скопировать ссылку

(Казан, 14 гыйнвар, «Татар-информ»). Бүген Йәмәннең көньягындагы Абьян провинциясендә урнашкан мәчеттә атыш булган. Кимендә биш кеше һәлак, тагын унбер кеше яраланган. Бу турыда Al Arabiya телеканалына сылтама белән ТАСС агентлыгы хәбәр итте.

Телеканал мәгълүматы буенча, җинаятьче Ас-Сулаа авылындагы мәчеттә өйлә намазы вакытында ут ача. Һәлак булучылар арасында мәчет имамы һәм җинаятьченең әтисе дә бар. Яраланган кешеләрнең кайберләре авыр хәлдә.

Мәчеттәге кешеләргә аткан ир-ат психик авыру булган. Ул кешеләргә атканнан соң, качып киткән. Хәзерге вакытта җинаятьчене полиция эзли, диелә хәбәрдә.

#Йәмән #мәчеттә атыш

Сәхифәләр

Йәмәндә мәчеттә биш кешене атып үтергәннәр, унбер кеше яраланган