Хушлашырга килүчеләр Эльмира Сөләйманованы соңгы юлга алкышлар белән озатты
Скопировать ссылку
Бүген Чаллыда Эльмира Сөләйманованы җирлиләр. 40 яшьлек җырчы, ике баласын ятим калдырып, кичә инфаркттан вафат булды.
Кичә хушлашу мәрасиме Тукай районы Кече Шилнә авылы мәчетендә булачак дигән мәгълүмат чыккан иде. Җырчының якыннары зурлап хушлашу булмаячагын әйтте. Кичә көн буе, төнлә дә җырчының дуслары, якыннары, яраткан тамашачылары аның белән хушлашу өчен ул яшәгән йортка агылган.
Җырчы Кече Шилнә авылында җирләнәчәк. Хушлашырга килүчеләр, Эльмира Сөләйманованы йорттан алып чыкканда, алкышлар белән озатып калды.