Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Хөкүмәт IT-белгечләр өчен ташламалы ипотеканың максималь күләмен арттырды
Хөкүмәт Россия IT-белгечләре махсус ташламалы программа буенча рәсмиләштерә ала торган кредитның максималь күләмен арттырды. Әйтик, халкы миллионнан арткан шәһәрләр өчен ипотека күләме 18 миллион сум урынына – 30 миллион, ә калганнар өчен 9 миллион урынына 15 миллион сум тәшкил итәчәк. Россия Премьер-министры Михаил Мишустин шул хактагы карарны имзалаган.
«Шул ук вакытта, ташламалы, дәүләт тарафыннан субсидияләнә торган кредитның күләме 18 миллион һәм 9 миллион дәрәҗәсендә калачак, әмма хәзер аны базар яки субсидияләнә торган башка ставка буенча алынган өстәмә сумма белән берләштереп булачак. Ягъни әгәр элегрәк төбәккә бәйле рәвештә 18 миллион яки 9 миллион сум күләмендә генә кредит алып, ә калганын беренчел взнос ярдәмендә кертеп булса, хәзер исә сатып алучыларның мөмкинлекләре киңәя», - дип искәрттеләр Министрлар Кабинетының матбугат хезмәтендә.
Шулай ук IT-белгечләрнең ташламалы кредит алу өчен кирәкле хезмәт хакы да үзгәрде. Әйтик, халкы миллионнан арткан шәһәрдә белгечнең кереме аена физик затларның кеременә салымны алганчы – 150 мең, ә калган торак пунктларда 100 мең сумнан башланырга тиеш.
Кызыклы яңалыкларны күзәтеп бару өчен Телеграм-каналга язылыгыз