XIII республика ифтарына 14 меңнән артык кеше килгән
Скопировать ссылку
XIII республика ифтарына оештыручылар планлаштырганга караганда күбрәк кеше килгән. Татарстан мөфтие Камил хәзрәт Сәмигуллин сүзләренчә, кунаклар саны 14 меңнән артып киткән булырга мөмкин, бу ифтар уздырылган залның максималь сыйдырышлылыгы белән чагыштырырлык.
"Узган елларда буш урыннар кала иде. Безгә быел 2 меңгә күбрәк кеше килгәнлеге турында хәбәрләр килеп җитте", - дип сөйләде мөфти.
«Ак Барс арена» генераль директоры Радик Миңнәхмәтов «Казан Экспо» мәйданчыгының 14 мең кеше сыйдырышлы булуын билгеләп үтте.
«Без 13 мең урынлык ифтар уздырдык, әле тагын мең урын калачак дип уйладык", - диде ул.