XIII Бөтенроссия татар авыллары эшмәкәрләре җыенында катнашучылар Тәтеш районына килде
Скопировать ссылку
2025 елның 26-28 февраль көннәрендә Бөтендөнья татар конгрессы XIII Бөтенроссия татар авыллары эшмәкәрләре җыенын уздыра. Бүген, форумның икенче көнендә җыен делегатлары эшлекле сәфәр белән Тәтеш районына килде. Биредә алар җирле эшмәкәрләр хуҗалыклары, агросәнәгать комплексларындагы казанышлар, инновацион технологияләр, инфраструктураны үстерүдә алып барылган эш тәҗрибәсе белән танышачаклар.
XIII Бөтенроссия татар авыллары эшмәкәрләре җыенына Россия Федерациясенең 48 регионыннан, шулай ук Татарстаннан 900 кече бизнес вәкилләре, фермер хуҗалыклары җитәкчеләре һәм хакимият органнары вәкилләре җыелды.
Фото: «Татар-информ», Зөлфия Шәвәлиева
- Җыен иртәгә, 28 февраль көнне «Корстон» сәүдә-күңел ачу комплексында Татарстан Республикасы Рәисе Рөстәм Миңнеханов катнашында җыенның пленар утырышы белән тәмамланачак. Биредә РФ төбәкләрендә җитештерелгән продукция һәм халык кәсебе товарларыннан торган күргәзмә-ярминкә оештыру да каралган.