Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Хезмәт хакын «конвертта» алу куркынычы турында искәрттеләр
Хезмәт хакын «конвертта» алу хезмәткәрләрне социаль гарантияләрдән мәхрүм итә һәм булачак пенсия күләмендә, хастаханә, отпуск түләүләрендә һәм кредит алу мөмкинлекләрендә тискәре йогынты ясарга мөмкин. Бу хакта Федераль салым хезмәтенең Татарстан Республикасы буенча идарәсендә искәрттеләр.
Ведомствода билгеләп үткәнчә, рәсми булмаган хезмәт хакы түләүче эш бирүчеләр салымнар һәм иминият взносларын түләүдән читләшә, ә хезмәткәрләр мондый очракта өстәмә эш өчен түләүсез, бәхетсезлек очракларында социаль түләүләрсез һәм эштән киткәндә тулы исәп-хисапсыз калырга мөмкин.
Федераль салым хезмәте идарәсе мәгълүматлары буенча, ведомствоара комиссияләр эше нәтиҗәсендә Татарстанда меңләгән хезмәткәр рәсми рәвештә эшкә урнаштырылган.
Салым хезмәтендә шулай ук эш бирүче хезмәт хакын рәсмиләштерүдән баш тарткан очракта хезмәткәрләр судка, прокуратурага, Дәүләт Хезмәт инспекциясенә яки салым органнарына мөрәҗәгать итәргә хокуклы, дип искәрттеләр.
Салым һәм иминият кертемнәрен түләүне Федераль салым хезмәте сайтының «Керемнәр» бүлегендә «Физик затлар өчен салым түләүченең шәхси кабинеты» сервисы аша тикшерергә мөмкин.
Кызыклы яңалыкларны күзәтеп бару өчен Телеграм-каналга язылыгыз