Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Хезмәт министрлыгы Татарстанның 14 районында туучылар саны арту турында хәбәр итте
2025 елның ун ае нәтиҗәләре буенча Татарстанның 26 районында балалар туу саны кимегән, ә 14 районда үсеш күзәтелгән. Бу хакта бүген ТР хезмәт, мәшгульлек һәм социаль яклау министры Эльмира Зарипова Казанда ведомство коллегиясенең йомгаклау утырышында хәбәр итте.
«Безнең министрлык өчен «Гаилә» илкүләм проекты мөһим, аның төп күрсәткече – туучыларның суммар коэффициенты. Туучылар саны кимү Мөслим, Яңа Чишмә, Әлки, Зәй, Азнакай, Апас, Кукмара районнарында күзәтелә. Шул ук вакытта Балык Бистәсе, Мамадыш, Баулы, Кайбыч, Сарман, Менделеевск, Минзәлә, Лаеш районнарында туучылар саны арткан», – дип сөйләде ул.
Иң кызыктыргыч практикалар арасында Зарипова йөклелекне алып баруны, бүләкләр һәм акчалата сертификатлар тапшыруны атады. Мисал өчен, Буада яшь гаилә клубы эшли, анда яшь һәм булачак әти-әниләр аралашып кына калмый, яшьләргә танышу мөмкинлеге дә тудырыла.
Кызыклы яңалыкларны күзәтеп бару өчен Телеграм-каналга язылыгыз