Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Россиядә берьюлы ике пенсия алырга хокуклары булучылар исемлеген киңәйтергә мөмкиннәр
Хезмәт министрлыгы Донбасс ополчениесендә, махсус бүлекчәләрдә һәм шәхси хәрби компанияләрдә хезмәт иткән махсус хәрби операциядә катнашучыларның хезмәткә сәләтсез гаилә әгъзаларына ике пенсиягә хокук бирергә тәкъдим итте, дип хәбәр иттеләр ведомство матбугат хезмәтендә. Бу хакта РИА Новости яза.
Тиешле закон проекты норматив хокукый актлар сайтында урнаштырылган.
«Проектта Донбасс ополчениесендә, махсус бүлекчәләрдә һәм шәхси хәрби компанияләрдә хезмәт иткән махсус операциядә катнашучыларының хезмәткә сәләтсез гаилә әгъзаларына ике пенсиягә хокук бирү каралган», - диелә хәбәрдә.
Хәзер махсус хәрби операция барышында һәлак булган кайбер категория ветераннарның хезмәткә сәләтсез гаилә әгъзалары бер үк вакытта ике пенсия - үз пенсияләрен, ягъни иминият, социаль яки тиешле еллар эшләгән өчен пенсия һәм туендыручысын югалту уңаеннан пенсия ала ала.
Моннан тыш, закон проекты хәрби частьларның махсус бүлекчәләре составында бурычларны үтәгәндә СВО нәтиҗәсендә инвалидлык алган гражданнар өчен ике пенсиягә хокукны күздә тота - Хәрби җәрәхәт нәтиҗәсендә инвалидлык һәм картлык буенча иминият пенсиясе яки тиешле еллар эшләгән өчен пенсия. Шундый ук хокук инвалидлык билгеләнгән башка ветераннар өчен дә каралган.
«Шул рәвешле, проект гражданнарның төрле категорияләренә ике пенсиягә хокук бирүнең бертөрлелеген тәэмин итә», – дип өстәделәр матбугат хезмәтендә.
Кызыклы яңалыкларны күзәтеп бару өчен Телеграм-каналга язылыгыз