Хәрбиләр үтенече белән Әлмәттән алгы сызыкка окоп шәмнәре һәм кечкенә мичләр җибәрелде
Әлмәттән чираттагы гуманитар ярдәм махсус хәрби операция зонасында хәрби бурычларны үтәүче якташларына җибәрелә. Хәрбиләр үтенече буенча «Мегасеть» штабы хәрбиләргә 650 шәм һәм кечкенә мич җибәрә.
«Бездә бу юнәлештә 200дән артык хәрби бар. Алар ярдәм сорап мөрәҗәгать итте, окоп шәмнәрен бик сорадылар. Хәзер салкын сезон, шуңа күрә бу хәзерге вакытта иң актуаль ярдәм. Бу шәмдә чәй, ризык җылытырга мөмкин. Тихоновкадан бер төркем волонтерлар безгә зур күләмдә җибәрде. Лиза Казаева окоп шәменең зурлыгына туры китереп кечкенә мичләр ясый. Моның өчен без балалар туклануыннан банкалар җыйдык», - дип сөйләде «Татар-информ»га «Мегасеть» штабы җитәкчесе Гөлнара Стерлядева.
Хәзерге вакытта эш дәвам итә. Волонтерлар парафин сатып алалар, шулай ук барлык гражданнарны яхшы эшкә кушылырга чакыралар.
«Шәһәр һәм районның барлык халкына, банка җыю белән шөгыльләнүчеләргә рәхмәт белдерәбез, кешеләр шунда ук җавап бирде, банкаларны хәтта кафелардан да җыялар. Алсу 300 банка җибәргән. Шәм өчен тартмаларны ташу уңайлы булсын өчен якынтирәдәге кибетләрдән алабыз, аларны», - диде Гөлнара Стерлядова.