Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Хәрбиләр һәм көч ведомстволары хезмәткәрләренең эш хакы 10,5 процентка артты
Хәрбиләр һәм кайбер көч ведомстволары хезмәткәрләренең эш хакы 1 октябрьдән 10,5 процентка артты. Россия Хөкүмәтенең шул хактагы карары хокукый мәгълүмат порталында урнаштырылган. Бу хакта РИА Новости агентлыгы хәбәр итә.
«РФ Хөкүмәте карары: 1. 2023 елның 1 октябреннән контракт буенча хезмәт итүче хәрби хезмәткәрләрнең хәрби дәрәҗә буенча окладларын һәм хәрби вазифалар буенча окладлары күләмен; чакырылыш буенча хезмәт итүче хәрби хезмәткәрләрнең хәрби вазифалар буенча окладлары күләмен 1,105 тапкыр (10,5 процентка) арттырырга», - диелә документта.
Моннан тыш, Росгвардия, полиция, эчке эшләр органнары, җинаять-башкарма система учреждениеләре һәм органнары, мәҗбүри үтәтү органнары, Дәүләт янгынга каршы хезмәтенең федераль янгынга каршы хезмәте, таможня органнары һәм федераль фельдъегерь элемтәсе органнарының идарә итүче составы хезмәткәрләренең вазифаи һәм махсус дәрәҗә буенча окладлары да 10,5 процентка арттырылды.
Кызыклы яңалыкларны күзәтеп бару өчен Телеграм-каналга язылыгыз