Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Хәрби хезмәткә чакыру яшен арттыру 2023 елда 27 яше тулган гражданнарга кагылмаячак
Россия саклану министры урынбасары Николай Панков армиягә чакыру яшен арттырганнан соң хәрби хезмәткә чакыру тәртибен аңлатты. Хәрби хезмәткә чакырылырга тиешле һәм 2023 елда 27 яше тулган гражданнар запаска җибәреләчәк. 2024 елда хәрби хезмәткә чакыру аларга кагылмаячак, дип искәртте ул. Бу хакта «Интерфакс» агентлыгы хәбәр итә.
«Тагын бер тапкыр искәртәсем килә – быелның 31 декабренә кадәр запаска җибәрелүчеләрнең берсе дә хәрби хезмәткә чакырылмаячак», - диде ул.
Элегрәк Дәүләт Думасы хәрби хезмәткә чакыру яшенең 18 яшьтән 30 яшькә кадәр киңәйтелүен раслады. Шул ук вакытта, закон проектының баштагы версиясе хәрби хезмәткә чакыру яшенең түбән чиген хәзерге 18 яшьтән 21 яшькә кадәр арттыруны күздә тоткан иде.
Бүген закон проектын Федерация Советы да хуплады. Парламентның югары палатасы спикеры Валентина Матвиенко билгеләп үткәнчә, хәрби хезмәткә чакыру яшенең чик яшен арттырганнан соң армиягә баруны кичектерүгә бәйле вазгыять үзгәрмәячәк.
Кызыклы яңалыкларны күзәтеп бару өчен Телеграм-каналга язылыгыз