Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Хәрби операциядәгеләрнең хатыннарына югары белем алуга ташлама булырга мөмкин
35 яшькәчә булган һәм махсус хәрби операциядә катнашучы белән рәсми никахта булган Россия кешеләренә бакалавриат һәм белгечлек буенча бушлай белем бирергә тәкъдим итәләр. Мондый тәкъдим белән Дәүләт Думасы депутаты Иван Сухарев РФ Мәгариф һәм фән министрлыгы башлыгы Валерий Фальковка мөрәҗәгать итте. RT телеканалы шул турыда хәбәр итә.
Сухарев искәрткәнчә, махсус хәрби операциядә катнашучыларның балалары югары уку йортларында бюджет бүлегендә белем алу мөмкинлегенә ия, ә ир яки хатын өчен ташламалы шартлар каралмаган. Шул ук вакытта хәзер алар балаларга һәм көнкүреш мәсьәләлренә күбрәк вакыт багышларга, еш кына үз планнарын, шул исәптән уку белән бәйле планнарын үзгәртергә яки кичектерергә мәҗбүр.
«Бу уңайдан сездән 35 яшькә кадәрге, махсус хәрби операциядә катнашкан затлар белән рәсми никахта торучы затлар өчен бюджет хисабына бакалавриат һәм белгечлек программалары буенча укытуга квоталар булдыру өлешендә гамәлдәге законнарга үзгәрешләр кертүнең максатка ярашлылыгы турындагы мәсьәләне карауны сорыйм», – дип йомгаклады ул.
Кызыклы яңалыкларны күзәтеп бару өчен Телеграм-каналга язылыгыз