Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Хәрби операциядә катнашучыларның туганнарына өстәмә отпуск турында проект әзерләделәр
Махсус хәрби операциядә катнашучыларның хатыннарына ел саен бер атна өстәмә түләүле ял бирергә тәкъдим итәләр. Әлеге мәсьәлә буенча закон проекты Россия хөкүмәтенә бәяләмәгә бирелгән. Бу хакта «Справедливая Россия - За правду» партиясендә хәбәр иттеләр, дип яза «Российская газета».
Партия һәм фракция лидеры Сергей Миронов билгеләп үткәнчә, хәрби хезмәткә чакырылган ата-аналарның берсенең (кагыйдә буларак, әтисенең) булмавы балаларны тәрбияләүдә зур кыенлыклар тудыра.
«Алар әти белән генә түгел, көнкүреш проблемаларын хәл итү буенча өстәмә бурычларны үз өстенә алган әнисе белән дә тулы кыйммәтле аралашу мөмкинлегеннән мәхрүм кала», - диде парламентарий.
«Справедливая Россия - За правду» фракциясе махсус хәрби операциядә катнашучыларның тормыш иптәшенә ел саен җиде көн түләүле өстәмә отпуск бирергә тәкъдим итә. «Бу гражданнарга ярдәм итүнең мөһим социаль чарасы», - диде партия лидеры.
Закон проектында предприятиеләрдә өстәмә отпуск бирү тәртибе һәм шартлары коллектив килешүе белән билгеләнергә тиеш диелә. Федераль, төбәк һәм муниципаль дәүләт учреждениеләрдә РФ хөкүмәтенең, төбәк яки муниципаль дәрәҗәдәге норматив хокукый актлары белән билгеләнә.
«Өстәмә отпуск алу анага балаларны тәрбияләүгә күбрәк вакыт бирү мөмкинлеге тудыра һәм көнкүреш кыенлыкларын җиңеп чыгу өчен вакыт җитмәү проблемасын хәл итәчәк», - дип йомгаклады Сергей Миронов.
Кызыклы яңалыкларны күзәтеп бару өчен Телеграм-каналга язылыгыз