Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Хәрби операция ветераннарына бушлай икенче югары белем алу хокукы бирергә тәкъдим иттеләр
Махсус хәрби операциядә катнашучыларга бушлай икенче югары белем яки һөнәри белем алу хокукы бирергә кирәк. Бу хакта Дәүләт Думасы депутатлары Сергей Миронов һәм Дмитрий Гусев белдерде. Алар әйтүенчә, бу инициатива Россия Президенты Владимир Путин йөкләмәсе буенча эшләнгән. Бу хакта «NEWS.ru» басмасы яза.
Депутатлар фикеренчә, бу ярдәм фронттан кайткан хәрбиләргә тыныч тормышка яраклашырга ярдәм итәчәк, бигрәк тә яралану яки башка сәбәпләр аркасында элекке эштә эшләп булмаса.
Сергей Миронов сүзләренчә, бу закон ветераннарга яңа һөнәр үзләштерергә һәм киләчәккә ышаныч белән карарга мөмкинлек бирәчәк. Ул дәүләт үз сакчыларына ярдәм итәргә тиеш дип белдерде.
Дмитрий Гусев искәрткәнчә, хәзер икенче югары белемне сәнгать өлкәсендә яки хәрби сферада гына бушлай алып була. Аның сүзләренчә, мондый чикләү хәрбиләрнең реаль ихтыяҗларын исәпкә алмый һәм аларның киредән укуына комачаулый. Аның фикеренчә, закон проекты бу гаделсезлекне төзәтә.
Парламентарий белдергәнчә, бу документ ветераннарга теләсә кайсы юнәлешне чыгымнарсыз сайларга мөмкинлек бирә, ә дәүләт илне яклаучыларга шул рәвешле рәхмәтен белдерәчәк һәм ярдәм итәчәк.
Кызыклы яңалыкларны күзәтеп бару өчен Телеграм-каналга язылыгыз