news_header_top_970_100
16+
news_header_bot_970_100

«Хәрәкәттә – бәрәкәт» проектының быелгы сезоны төгәлләнде

«Хәрәкәттә – бәрәкәт» проектының быелгы сезоны төгәлләнде
Салават Камалетдинов

Җәмәгать урыннарында татар телендә уза торган «Хәрәкәттә – бәрәкәт» проектының быелгы сезоны бүген төгәлләнде. 

Мастер-класс «Татмедиа» бинасы янындагы скверда узды. Чарага килүчеләрне «Бәрмәнчек» дәүләт фольклор ансамбленең балет артистлары Руслан Насыйров, Алсу Гәрәева, Алмаз Тукманов һәм Юлия Габдрахманова керәшен биюенең төп хәрәкәтләрен башкарырга өйрәттеләр. 

«Хәрәкәттә – бәрәкәт» проекты 2021 елда башланып киткән иде. Ул быел да дәвам итте. Җәй буе Казан халкын һәм кунакларын «Чабата», «Ярмәк вагы», «Зәлидә», чечетка, аэробика кебек биюләрнең төп хәрәкәтләре белән таныштырдылар. Июньнән алып сентябрьгә кадәр ун мастер-класс үткәрелгән. 

«Хәрәкәттә – бәрәкәт» проекты Татарстан Президенты каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәмендә Казан мэриясе тарафыннан гамәлгә ашырылды.
 

autoscroll_news_right_240_400_1
autoscroll_news_right_240_400_2
news_bot_970_100