Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Ханты-Манси округында «Югра мөселманнары» дигән фәнни-популяр китап бастырырга җыеналар
Ханты-Манси автономияле округы - Югра мөселманнары Диния нәзарәте «Югра мөселманнары» дигән фәнни-популяр китабын булдыру максатыннан төбәкнең мөселман җәмгыятьләре тарихы буенча мәгълүмат җыя башлады. Китап Сургут шәһәренең мөселман җәмгыятен рәсми теркәүгә 30 ел тулу уңаеннан әзерләнә. Бу хакта Россия мөселманнары Дини җыены Үзәкләштерелгән дини оешмасы матбугат хезмәте хәбәр итә.
Мәгълүмат җыю һәм китап язу белән Урал дәүләт тау университетының теология кафедрасы доценты, тарих фәннәре кандидаты Алексей Старостин шөгыльләнә.
Алексей Старостин җомга намазы вакытында мәчеткә килә, мәхәллә кешеләре белән очраша. Шулай ук ул Лянтор шәһәренең җирле мөселман дини оешмасын булдыру, мәчет төзү һәм Эстон юлчылары урамында Җәмигъ мәчете төзү эше башында торучылардан интервьюлар ала.
Китап укучылар өчен бик кызыклы һәм файдалы булыр дип ышанабыз, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз