Халыкара «Татар кызы-2026» бәйгесе финалистларының әти-әниләре Төрекмәнстанга килде
Скопировать ссылку
Халыкара «Татар кызы-2026» бәйгесе финалистларының әти-әниләре һәм туганнары Төркмәнбашы шәһәренә килде. Алар финал тамашасының мәртәбәле кунаклары булачак, дип хәбәр итә Бөтендөнья татар конгрессы матбугат хезмәте.
Искәртеп үтәбез, «Татар кызы-2026» халыкара бәйгесенең финалы бүген «Рухыет» сараенда узачак. Чара 19:00 сәгатьтә башлана.
Иртәгә, 8 октябрьдә «Аваза» милли туристлык үзәгендә чараның бүләкләү тантанасы була. Анда җиңүче кызга автомобиль тапшырылачак.