Хәйрияче Рөстәм Гатин ике баланы дәвалау өчен Лисичанскидан Чаллыга алып кайткан
Чаллы эшмәкәре, хәйрияче Рөстәм Гатин Лисичанскидан чираттагы ялга кайтты. «Безнең балалар. Лисичанск-Яр Чаллы» проекты кысаларында аларга тиешле медицина ярдәме күрсәтеләчәк. Бу хакта «Шәһри Чаллы» хәбәр итә.
Искәртик, ул анда авыр хәлдә калган кешеләргә ярдәм итә. Кыр кухнясында ризык пешереп тарата, Чаллыдан җибәрелгән гуманитар ярдәмне ияләренә тапшыра.
«Малайлар әниләре белән «Жемчужина» шифаханәсендә, аларга җитди диагнозлар куелды. Берсенең авариядән соң сәламәтлеге какшаган, икенчесендә - аутизм.
«Безнең балалар. Лисичанск - Чаллы» проектыбыз дуслары, «Реацентр», «Чудо дети» табиблары карагач, аларга тиешле дәвалану курслары билгеләнәчәк. Проект кысаларында барлыгы 12 баланы алып кайттык. Аларның 10сы тиешле дәваланулар үтте. Бер кыз хәтта аягына басып йөри башлады», - ди Рөстәм Гатин.
Шунысы мәгълүм, малайларның берсе күптән түгел көчле атышлар булган җирлектән.