Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Хабаровскида билгесез кешеләр мөселман зиратының капкасын җимергән
Хабаровскида билгесез кешеләр бүген мөселман зиратының капкасын җимергән. Бу хакта Россия Мөфтиләр шурасы матбугат хезмәте хәбәр итә.
Меңләгән мөселманнар, нигездә татарлар һәм башкортлар җирләнгән 13нче секторда шәһәр зиратында беренче тапкыр коточкыч вандализм акты булган. Бу зиратта шулай ук фронтовикларның, Бөек Ватан сугышы ветераннарының каберләре бар.
Узган гасыр уртасыннан Хабаровск мөселманнары анда үзләренең якыннарын җирләгән һәм беркайчан да бернинди проблемалар да килеп чыкмаган.
Вандаллар Коръән аятьләре язылган стендны ваткан. «Мөселман секторы 13» дип язылган капканы төбеннән йолкып алган.
Соңгы вакытта Россия шәһәрләрендә ксенофобия аркасында мөселманнарның изге урыннарына һөҗүмнәр ешайды.
«Хакимият һәм хокук саклау органнарының адекват реакциясенә өмет белдерәбез. Россиянең көче – халыклар бердәмлегендә», - диелгән хәбәрдә.
Кызыклы яңалыкларны күзәтеп бару өчен Телеграм-каналга язылыгыз