WorldSkills Kazan 2019 үткәрелү сәбәпле, КФУда укулар 16 сентябрьдә башлана
Студентларны урнаштырыр алдыннан Универсиада Авылында санитар эшләр башкарыла.
Скопировать ссылку
(Казан, 4 сентябрь, “Татар-информ”, Диана Авакян). Казан федераль университетында укулар 16 сентябрьдә башланачак. Бу хакта “Татар-информ”да узган матбугат конференциясендә КФУ ректоры Илшат Гафуров әйтте.
“Быел без укулар башлануны 16сына күчердек. Бу беренче чиратта WorldSkills дөнья чемпионатын уздыруга бәйле”, - диде ул.
“Чөнки барлык катнашучылар да Универсиада Авылында яшәде”, - дип аңлатты КФУ ректоры.
Тулай торак территориясендә санитар эшләр башкарылачак. Студентларны урнаштыру 6 сентябрьдә башлана, диде Гафуров.