WorldSkills флагы Әлмәткә килеп җитте
Чемпионат башланганчы флаг Татарстанның барлык муниципалитетларында булырга тиеш.
Скопировать ссылку
(Әлмәт, 9 август, "Татар-информ", "Әлмәт таңнары"). Бүген WorldSkills флагы Әлмәткә килеп җитте. Ул республиканың 43 муниципаль районы һәм ике шәһәр округы буенча уза. Бу турыда җирле басма хәбәр итә.
22 августта «Казан Арена» стадионында узачак фестивальне ачу тантанасы Һөнәри осталык буенча дөнья чемпионаты символы сәяхәтнең соңгы пункты булачак.
Эстафета 2017 елның 21 октябрендә Сочида ХІХ Бөтендөнья яшьләр һәм студентлар фестивалендә башланды. Ул дөньяның 20 илен һәм Россиянең 24 төбәген колачлап алды.
Чемпионат башланганчы флаг Татарстанның барлык муниципалитетларында булырга тиеш.