Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Вячеслав Володин һәм Антон Вайно Рөстәм Миңнехановны Россия көне белән тәбрик итте
Дәүләт Думасы Рәисе һәм Президент Администрациясе башлыгы россиялеләр өчен тарих һәм традицияләрнең берләштерүче ролен билгеләп үтте.
(Казан, 12 июнь, «Татар-информ»). РФ Федераль Җыены Дәүләт Думасы Рәисе Вячеслав Володин һәм Россия Федерациясе Администрациясе җитәкчесе Антон Вайно Татарстан Президенты Рөстәм Миңнехановны Россия көне белән котлады. Бу хакта ТР Президентының матбугат хезмәте хәбәр итә.
Дәүләт Думасы Рәисе үз котлавында билгеләп үткәнчә, россиялеләр үз илләре, аның бай тарихы һәм мәдәнияте белән горурлана, аңа игелек һәм чәчәк атуын, аны көчле һәм шул ук вакытта социаль җаваплы ил итеп күрергә тели.
«Безнең барыбызны да үз Ватаныбыз – Россиябезгә файда китерү омтылышы берләштерә», - дип искәртте Вячеслав Володин. Һәм Рөстәм Миңнехановка «бәхет, сәламәтлек һәм иминлек» теләде.
Президент Администрациясе җитәкчесе үзенең котлау телеграммасында игътибар юнәлткәнчә, россиялеләрне Ватанга карата ихлас мәхәббәт, шулай ук аның героик язмышын һәм күпгасырлык традицияләрен хөрмәт итү берләштерә.
«Патриотизм кыйммәтләре, ата-бабаларыбыз хәтеренә лаеклы булу омтылышы алга таба да безне Ватаныбызның чәчәк атуы хакына куелган максатларга ирешүдә яңа җиңүләргә рухландырачак», - диде Антон Вайно. Һәм «бәхет, сәламәтлек, иминлек» теләде.
«Татар-информ» агентлыгы РФ Президенты Владимир Путинның ТР Президенты Рөстәм Миңнехановны Россия көне белән котлавы хакында хәбәр иткән иде инде.
Кызыклы яңалыкларны күзәтеп бару өчен Телеграм-каналга язылыгыз