Вячеслав Володин Татарстан халкын якынлашып килүче Россия көне белән котлады
Скопировать ссылку
Россия Федерациясе Дәүләт Думасы Рәисе Вячеслав Володин Татарстан халкын якынлашып килүче Россия көне белән котлады. Котлауны ул Татарстан Республикасы Дәүләт Советы Рәисе вазифаларын башкаручы Марат Әхмәтов адресына юллады, дип хәбәр итә республика парламентының матбугат хезмәте.
«Без илебез белән, аның меңъеллык тарихы, бай мәдәнияте һәм гореф-гадәтләре, күпмилләтле халкының батырлыклары һәм уңышлары белән горурланабыз. Туган илгә карата мәхәббәт, аның бүгенгесе һәм киләчәге өчен җаваплылык, дәүләтнең үсеше һәм чәчәк атуы турында кайгырту гражданнарыбызны берләштерә, Россияне тагын да көчлерәк итә», – диелә сәясәтче юллаган котлау телеграммасында.