Сәясәт 18 март 2018 22:47

ВЦИОМ экзит-полы: Грудинин – 11,2, Жириновский – 6,7, Собчак – 2,5 процент тавыш җыйды

Бөтенроссия җәмәгатьчелек фикерен өйрәнү үзәге белгечләре Россиянең 68 субъектында 1200 сайлау участогында эшләде.

Скопировать ссылку

(Казан, 18 март, “Татар-информ”). КПРФтан Россия Президентына кандидат Павел Грудинин сайлаучыларның 11,2 процент тавышын җыйды. Бу хакта Бөтенроссия җәмәгатьчелек фикерен өйрәнү үзәге экзит-полы мәгълүматлары дәлилли, дип хәбәр итә РИА “Новости”.

73,9 процент тавыш җыйган гамәлдәге Россия Президенты Владимир Путиннан соң бу икенче урын.

Грудининнан соң 6,7 процент тавыш белән Владимир Жириновский, аннан соң – Ксения Собчак. Аңа сайлаучыларның 2,5 процент тавышы булган. Григорий Явлинскийга 1,6 процент, Борис Титовка 1,1 процент сайлаучы үз тавышын биргән.

Бөтенроссия җәмәгатьчелек фикерен өйрәнү үзәге белгечләре Россиянең 68 субъектында 1200 сайлау участогында эшли. Алар 162 мең 601 кешене сораштырган. Сорауларга респондентларның 62,8 проценты җавап биргән. Сайлауларга килүчеләрнең 37,2 проценты җавап бирүдән баш тарткан.

#сайлаулар-2018 #экзит-пол

Сәхифәләр

ВЦИОМ экзит-полы: Грудинин – 11,2, Жириновский – 6,7, Собчак – 2,5 процент тавыш җыйды