Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Волынец: Татарстанда елына 500гә якын кеше ата-ана хокукыннан мәхрүм ителә
Татарстанда елына 500гә якын кеше ата-ана хокукыннан мәхрүм ителә. Бу хакта ТР Дәүләт Советының сигезенче утырышында Татарстан Республикасында Бала хокуклары буенча вәкаләтле вәкил Ирина Волынец хәбәр итте.
«Бездә ата-ана хокукларын яңадан кайтару белән проблема бар. Әгәр соңгы өч елда чикләүләр билгеләнгән ата-аналарның 10 процентка якыны хокукларын яңадан кайтара алса, ата-ана хокукларыннан тулысынча мәхрүм ителгән кешеләрнең 3 проценттан азрак өлеше генә хокукларын яңадан кайтарды», - дип сөйләде балалар омбудсмены.
Мондый проблема гомумән бөтен Россиядә күзәтелә, дип ассызыклады Волынец. Шул ук вакытта ул республикада күрелә торган чаралар еш кына ата-ана хокукларыннан мәхрүм ителүгә юл куймаска ярдәм итә, дип билгеләде.
«Әгәр ата-ананы шулай да хокукларыннан мәхрүм иткәннәр икән, бу инде бик катлаулы очрак, димәк, - дип йомгаклады Бала хокуклары буенча вәкаләтле вәкил. – Әмма республикада исәптә торучы гаиләләр саны кимеде».
Кызыклы яңалыкларны күзәтеп бару өчен Телеграм-каналга язылыгыз